Til Det Lova Landet

Torsdag 30. oktober kl. 19.00 kjem forteljar Anne Elisebeth Skogen til Stavanger maritime museum fortel om den utrulege reisa med Restauration gjennom Hell Gate til Det Lova Landet.

Anne Elisabeth tek forsamlinga med på reisa frå Stavanger over havet til Amerika for 200 år sidan, men først fortel ho om bakgrunnen for reisa og førebuinga. Så får tilhøyrarane bli med på sjølve overfarten, mottakinga i New York og reisa vidare til Kendall upstate New York.

Kor var sluppe-folket seg denne dagen for 200 år sidan?

Anne Elisebeth Skogen er utdanna forteljar har jobba grundig med kjeldestoffet til forteljinga i åra før replikaen av Restauration blei sjøsett og døypt i 2010. Sidan har ho bla turnèt både i Norge, i sju statar i USA og delteke ved ulike museum og festivalar. Våren 2025 gav ho ut barneboka Over havet til Amerika i 1825.

Munnleg forteljing blir rekna som ein eigen kunstart med direkte kontakt mellom avsendar og mottakar, ikkje noko medium mellom. Det kan skapa magi.

Originalbilda til boka er også utstilte på museet.